SINABI ni Pangulong Ferdinand Marcos Jr. na wala siyang kinalaman sa pagpapatalsik kay dating Senate President Migz Zubiri ngunit inamin na alam niya na matatanggal ito sa posisyon.
“The decision to change the leadership was not made by me. That was made by the Senate,” sabi ng Pangulo sa press conference sa state visit sa Brunei.
Hindi rin umano siya nakipag-usap sa kaninumang partido.
Gayunman, alam umano niya na gusto patalsikin si Zubiri pabor kay Senador Chiz Escudero.
“Actually, it was Senator Chiz, the minute he started thinking about it, he already brought it up and he said I think I am going to try to be the SP,” sabi ng Pangulo.
“Of course we knew the state of the voting when that was still being collected. We already have the numbers that will come out. So that was the extent I was informed about it,” dagdag pa nito.
Nauna nang sinabi ni Zubiri na pagtanggi niya sa ilang kautusan ang naging dahilan sa pagkakatanggal niya sa posisyon.
Nang tanungin ditto ang Pangulo, sinabi nito na hindi niya alam ang sinasabi ni Zubiri.
