NAGING trending sa social media ang mga sexy photos ni Julia Barretto para sa latest movie niyang Expensive Candy na ipapalabas sa sinehan sa September 14 mula sa Viva Films. Maging ang trailer ng pelikulang first time nilang pinagsamahan ni Carlo Aquino ay meron ng 4 million views and still counting.
Sex worker ang role ni Julia sa Expensive Candy kaya natural lang na sexy at daring ang kanyang pictorial. Sa true lang, kakaiba si Julia this time at talagang tinalikuran muna niya ang kanyang wholesome image.
Eh, bakit nga ba niya tinanggap ang pelikula ni Direk Jason Paul Laxamana na naging direktor niya noon sa pelikulang Between Maybes na pinagtambalan naman nila ni Gerald Anderson?
“Never akong makaka-no kay Direk JP. Kahit ano pa yung ibigay niya, ipagawa sa akin, hindi ako makaka-no. Number one, the story is really nice. Nung nabasa ko yung script, I immediately knew I wanna do it and I feel like I’m already at a point in my life where it’s okay to get out of my comfort zone,” paliwanag ni Julia sa amin sa ginanap na virtual conference ng pelikula.
Ibinahagi rin ng aktres ang mga naging paghahanda niya para sa kanyang karakter.
Lahad niya, “Ang daming beses namin nag-usap ni Direk at saka nag-meet bago kami nag-start mag-roll. Pero siguro, my favorite thing always to do before doing a film is immersing. Unforgettable yung night namin ni Direk sa Angeles City and we were able to visit the walking street kung saan mismo kami nag-shoot,” kuwento niya.
Na-experiene din ni Julia ang mag-table ng babae sa club.
“Tineybol ko. Naka-disguise po kasi kami no’n nung una. So nung tineybol ko siya, hindi po sure kung akala niya isa pa akong babae na interesado sa kanya na hindi niya alam kung anong gagawin ko sa kanya. Until later on, I had to introduce myself and kinailangan kong sabihin yung intention ko of being there.
“Tapos, naghanap pa kami ng puwedeng reference ko for my character as Candy, na ngayon, naging kaibigan ko rin.
“I did get a few tips and tricks and a little bit of dance moves from the women there. They’re amazing. The girls there are amazing,” sabi ulit ni Julia.
Patuloy pa niya, “I thought after ASAP, tapos na akong sumayaw, pero napasabak ako sa G-Force for this. Nag-workshop muna ako ng mga seksing sayaw bago kami mag-start mag-roll. That’s the best part, immersing to become the character.”
Idinagdag din ng dalaga na nanood din siya ng mga pelikulang may kaparehong tema para mas madagdagan pa ang kaalaman niya bukod sa kanyang personal encounter with the real sex workers during her immersion.
Anyway, aminado rin si Julia na ang Expensive Candy ang ang pinaka-challenging niyang pelikula.
“It was very challenging. This movie really challenged me in a very physical way, mentally and emotionally — just being comfortable in the outfits that I had to wear, in front of a lot of different people.
“Si Candy kasi hindi naman siya about pagpapaseksi lang. Si Candy, palaging may intention of seducing. I think being sexy and having to seduce, after this film, I realized they’re two very different things. So, iba yung sexy ka sa nang-aakit ka,” deklara ng aktres.
