4 patay sa landslide sa Benguet

SA gitna ng pananalasa ng super typhoon ‘Egay’, apat ang nasawi sa landslide sa bayan ng Buguias, Benguet, ayon sa isang opisyal.

Sa isang panayam sa Radyo 630 nitong Miyerkoles ng gabi, sinabi ni Benguet PDRRMO officer Azrel Malucay na natabunan ang bahay ng mga biktima dahil sa landslide. Magkakamag-anak ang mga biktima.

Dalawa din ang nasugatan, ani Malucay.

Narekober na umano ang mga labi ng mga nasawi.

Wala nang kuryente sa karamihan na mga lugar sa Benguet, ayon rin kay Malucay.

Ayon sa Benguet PDRRMO sa isang post sa Facebook, naapektuhan ang mga sumusunod na daan dahil sa landslide:

Kennon Road

Benguet-Nueva Vizcaya Road

Cong. Andres Acop Cosalan Road

Shilan-Beckel Road

Asin-Nangalisan-San Pascual Road

Baguio-Bontoc Road

Abatan-Mankayan-Cervantes Road

Gov. Bado Dangwa National Raod

Baguio-Bauang Road

Baguio-Itogon Road