PATAY ang apat na pasahero samantalang dalawang iba pa ang kritkal matapos tumagili ang shuttle van na sinasakyan ng mga ito sa Puerto Princesa City, Palawan nitong Linggo ng umaga.
Sinabing sumalpok sa gilid ng kalsada ang isang shuttle van at tumagilid sa bahagi ng highway sa Barangay Sta. Lucia, bandang alas-6:40 ng umaga.
Ayon sa ulat, galing ang van sa bayan ng Quezon sa katimugang bahagi ng Palawan at papunta sa Puerto Princesa City.
Dadag ng ulat, 11 ang nasa shuttle van –10 pasahero at pang-11 ang driver nito.
Nadulas umano ang unahang gulong ng sasakayan dahil na rin umano sa mga pag-ulan at nawalan ng kontrol ang drayber hanggang sa sumalpok ang van sa gilid ng kalsada at tumagilid, ayon sa ulat.
