BANGKAY na nang matagpuan ng pulisya at kaanak ang isang 26-anyos na lalaki na nawawala mula Marso 10.
Nakatawag pa umano sa kanyang live-in partner ang biktimang si Ralph Matthew Peredo bago ito iniulat na nawawala.
Ang biktima ay natagpuan sa isang madamong bahagi sa Alfonso, Cavite.
May tama ito ng bala sa ulo at nakaposas, ayon sa SOCO. Isang basyo ng bala ng 9mm ang natagpuan sa tabi ng biktima.
Nabawi naman ang sasakyan ni Aguinaldo Highway, Silang, Cavite. “Mayroon siyang bakas ng dugo sa gulong ,” ayon sa pulisya.
Nabatid sa report ng pulisya na nakita ang sasakyan ni Peredo palabas ng isang transient house pitong kilometro ang layo sa kinatagpuan ng bangkay ng biktima.
Agad namang naaresto ang suspect mula sa transient house na kinilalang si Eljohn Samano.
“Kasama ang pamilya, na nag-abang doon sa tinuturong naging safe house ng mga suspect. May lumabas na isang lalaki na hawak hawak ang isang bag na kinilala ng kapatid na bag ng kanyang kapatid noong namatay,” ayon sa imbestigasyon.
“Base sa testimonya ng kapatid, merong alahas ang biktima, may kwintas at relo more or less nagkakahalagang P400,000 na hindi na natin narecover doon sa cadaver at sasakyan ng biktima.”
Ayon sa pulisya “Pwedeng tumayong testigo ang suspect dahil nakita niya kung paano dinala doon yung biktima bago namatay. Nakita niya rin itong mga tao kung sino nagdala.”
Sinabi ng pulisya na may tatlo pang hinahanap na suspect kabilang ang isang retiradong pulis.
