INAMIN na ni dating senador Ferdinand “ Marcos Jr. na kalihim ng Department of National Defense (DND) ang gusto ni Davao City Mayor Inday Sara Duterte – Carpio kapag nanalo itong bise-presidente sa magaganap na halalan. Mukhang payag sa Marcos Jr. Kaya, huwag magtaka kung italagang kalihim ng DND si Duterte – Carpio kapag manalo sa pagkapangulo si Marcos Jr.
Hindi naman bago sa kasaysayan ng DND na hawakan ito ng pulitiko. Nangyari na ito noong pangulo si Joseph Ejercito – Estrada kung saan ang kalihim ng DND ay si Senador Orly Mercado.
Noong panahon ni Pangulo Elpidio Quirino ay pulitiko rin ang hepe ng DND. Kongresista mula Zambales si Ramon Magsaysay nang italaga siya ni Quirino na maging kalihim ng DND.
Habang kalihim ng DND, nagamit ni Nagsaysay ang nasabing posisyon upang magwagi sa pampanguluhang eleksyon. Mabangung-mabango ang imahe at kredebilidad ni Magsaysay sa napakaraming Pilipino dahil sa kanyang kampanya laban sa mga ‘komunista’ at ‘terorista’.
Tila ganyan din ang plano ni Duterte – Carpio.
Magpokus sa mga komunista at terorista upang manalo sa pagkapresidente sa eleksyong 2028. Okey lang ‘yan dahil iyan ang pinaniniwalaan niyang magandang estratehiya upang maging pangulo ng bansa mula 2028 hanggang 2034.
Ang hindi maganda sa balak ni Sara Duterte – Carpio kung siya na na ang kalihim ng DND ay ang pagsusulong ng konseptong “mandatory military service” sa mga Pilipinong umabot sa edad 18. Hindi orihil na ideya ni Carpio ang mandatory military service sa ibang bansa.
Tila kumbinsido si Carpio na dapat ding maglingkod sa Armed Forces of the Philippines (AFP) ang mga batang Pilipino.
Isa raw ito porma ng paglilingkod sa bayan. Napakaraming paraan puwedeng ‘puwersahing’ maglingkod ang mga Pilipino na umabot sa 18 – taong gulang. Maganang natutong magsilbi sa bansa ang mga Pilipino, lalo na sa murang edad.
Ngunit, huwag lang iyong makikintal sa kanilang isapan ang pagpatay sa kapwa. Napakasamang ideya ang pumatay ng kapwa. Walang taong matino ang pag-iisip ang nanghihikayat, namimilit at nag-uutos sa mga Pilipino na sumabak sa digmaan at pumatay ng tao.
Kahit pa gawing batas ang mandatory AFP service, hindi pa rin ito matuwid at makabuluhan.
Kung modernisasyon ng AFP ang puntirya ni Sara Duterte – Carpio, pagpapalakas ng mga armas at pagpapatigil sa katiwalian at korapsyon sa AFP ang gawing niya adyenda. Nakabatay din d’yan sng kanyang mga pahayag at pangako sa panahon ng kampanya.
Mga estratehikong usapin ang pagpapalakas ng mga armas ng mga sundalo at pagputol sa katiwalian ay korapsyon sa sandatahang lakas ng bansa dahil makatutulong ang dalawang nabanggit na mga ideya upang maging makabuluhan at kapakipakinabang ang AFP.
