Walang sinasabi at inilalatag si Marcos Jr. o BBM sa mga panayam sa midya na pabor sa mga manggagawa tulad ng umento sa suweldo, pagpapatigil ng kontraktuwalisasyon at iba pa. Kahit sa pangagampamya ni BBM ay wala itong binabanggit sa mamamayan na itataas niya ang sahod ng mga manggagawa.
SA lahat ng kandidato sa pagkapresidente sa nalalapit na halalan ngayong taon, si Leody de Guzman ang siguradong kikilos nang tapat at seryoso para maisakatuparan ang kagustuhan ng mga manggagawa tulad ng pagtaas ng sahod, regular na trabaho sa lahat ng mga manggagawa at empleyado at pagkakaroon ng unyon.
Ito’y dahil beteranong lider-manggagawa si De Guzman. Matagal nang tagapangulo ng Bukluran ng Manggagawang Pilipino (BMP) si De Guzman.
Sa kabila nito, hindi si De Guzman ang sinuportahan ng Nagkaisa Labor Coalition (Nagkaisa) at ng Trade Union Congress of the Philippines (TUCP).
Si Bise-Presidente Maria Leonor “Leni” Robredo ang sinusuportahan ng Nagkaisa, samantalang si dating senador Ferdinand “Bongbong” Marcos Jr. naman ang napiling suportahan.
Nabalitaan ng lahat na si Robredo ay mayroong “kongretong programa” para sa mga manggagawa.
Kaya, solido ang pagkampi ng Nagkaisa sa kanyang kandidatura sa pagkapangulo ng bansa.
Napakaraming nagtaka at nagulat sa suportang ibinigay ng TUCP kay Marcos Jr. , sapagkat wala naman itong malinaw na plano para sa mga manggagawa kung siya ang manalong pangulo sa halalan sa Mayo 9.
Walang sinasabi at inilalatag si Marcos Jr. o BBM sa mga panayam sa midya na pabor sa mga manggagawa tulad ng umento sa suweldo, pagpapatigil ng kontraktuwalisasyon at iba pa. Kahit sa pangagampamya ni BBM ay wala itong binabanggit sa mamamayan na itataas niya ang sahod ng mga manggagawa.
Wala kasi sa adyenda ni BBM ang sahod ng mga manggagawa dahil hindi niya mahal, hindi niya minahal at hindi kailangan mamahalin ni BBM ang mga manggagawa.
Kahit itanong ninyo sa mga taong malalapit kay BBM kung may plano bang itaas ni BBM ang sahod ng mga manggagawa at empleyado sa pribadong sektor upang malaman kung totoo o hindi ang sinasabi ko. Kung totoong pabor si BBM sa pagtaas ng sahod ng mga manggagawa ay titiyakin ni BBM na mataas at maayos ang pasahod ang mga pribadong kumpanyang napapabalitang ‘malapit’ sa kanya.
Hindi dapat hinahayaan ni Marcos Jr. na patuloy ang paglabag ng mga kumpanyang ito sa paglabag sa batas-paggawa at batas sa minimum na sahod.
Tama po ba Allan Tanjusay ng TUCP?
Hindi dapat patuloy na ginagamit ang coronavirus disease – 2019 (COVID – 19) bilang palusot sa napakababang suweldo.
Kung totoong hindi tutol si BBM sa mataas na suweldo, patunayan ng mga negosyanteng malapit kay BBM na sila at si BBM ay totoong mahal ang mga manggagawa!
