PINABULAANAN NG ng Philippine National Police (PNP) ang balita na na nasa kustodiya na nila si dating Bureau of Corrections (BUCOR) chief Gerald Bantag.
Ito’y matapos na kumalat ang balita na sumuko na umano at dinala sa Camp Crame ang pangunahing suspek sa pagpatay sa brodkaster na si Percy Lapid at inmate na si Jun Villamor.
Ayon kay PNP Spokesperson Police Col. Jean Fajardo, na-check niya ang lahat ng operating units sa Camp Crame at “negative reports” ang kanyang natanggap.
Wala ring impormasyon si Headquarters Support Service Chief, Police BGen. Mark Pespes tungkol sa umano’y pagdala kay Bantag sa Camp Crame.
Si Bantag at ang kanyang Deputy na si Ricardo Zulueta ay kapwa may outstanding warrant of arrest sa kasong murder mula sa Muntinlupa at Las Piñas Regional Trial Court.
Dahil dito, nagpapatuloy ang manhunt ng mga tracker team ng PNP kay Bantag at Zulueta.
