SINUSPINDE ng Commission on Elections (Comelec) ngayong Miyerkoles ang proklamasyon ni dating Social Welfare and Development (DSWD) secretary Erwin Tulfo bilang nominee at next-in-line ng ACT-CIS party-list group matapos maisampa ang petisyon sa kanyang diskwalipikasyon noong Pebrero 28, Martes.
Ayon kay Comelec spokesperson John Rex Laudiangco, ang petisyon sa diskwalipikasyon laban kay Tulfo ay bunsod ng alegasyon tungkol sa kanyang kwestiyunableng citizenship at pinal na hatol tungkol sa ‘moral turpitude’.
“Said Petition, docketed as SPA-23-001 (DCN) by the Clerk of the Commission, was taken cognizance by the Commission under Sections 1 to 5 of Rule 5 of COMELEC Resolution No. 9366. Therein, Atty. Moises S. Tolentino, Jr. is seeking the disqualification of Mr. Tulfo on allegations pertaining to ‘question of citizenship’ and ‘conviction by final judgment of a crime involving moral turpitude,’” ayon kay Laudiangco.
“Accordingly, under Section 8 of said Rule 5 of Resolution No. 9366, the proclamation of a nominee may be suspended notwithstanding the fact that the group or organization received the winning number of votes in such elections, if the evidence in the Petition for Disqualification is strong and such remains unresolved,” dagdag pa ng Comelec spokesperson.
“Pursuant to the Rules, SPA-23-001 (DC) is scheduled to be raffled to a Division for Hearing on March 6, 2023,” ayon pa sa pahayag.
Sa kanyang panig, sinabi ni Tulfo, na handa siyang magsumite ng dokumento mula sa korte at embahada.
“We are ready to submit our docs from the court and from the embassy,” ayon kay Tulfo sa GMA News Online.
Noong Pebrero 22, inihayag ni House Majority Leader Mannix Dalipe na isa sa tatlong kinatawan ng ACT-CIS party-list sa House of Representatives, ay nag-resign.
Ang ACT-CIS na ang ibig sabihin ay Anti-Crime and Terrorism Community Involvement and Support ay mayroong tatlong posisyon sa 19th Congress matapos manguna noong 2022 party-list kung saan nakakuha ito ng mahigit sa dalawang milyong boto.
Kasama sa dalawang ACT-CIS party-list na mambabatas ang hipag ni Tulfo na si Jocelyn at Edvic Yap.
