INIREKOMENDA ng isa sa pitong miyembro ng Commission on Elections (Comelec) ang agarang suspensyon ng tagapagsalita ng ahensya bunsod ng kontrobersiya kaugnay ng kanselasyon ng nakatakdang debate sa hanay ng mga kandidato sa posisyon ng presidente at bise-presidente.
Bukod kay Comelec spokesperson Director James Jimenez, kabilang rin sa inirekomendang tanggalin sa tungkulin bilang deputado ng Education and Information Department si Frances Aguindadao-Arabe.
Giit ni Comelec Commissioner Rey Bulay, hindi angkop na manatili at gumanap bilang tagapagsalita ng kanyang tanggapan si Jimenez at Arabe upang makatiyak na wala nang magaganap na aberyang tulad ng bigong paglulunsad ng pinanabikang huling harapan ng mga kandidato bago sumapit ang takdang araw ng halalan sa Mayo 9.
“In the interest of the service, Commissioner Bulay recommended that Directors James Jimenez and Frances Arabe be temporarily relieved from any functions involving media relations and exposure. To continue the duties of Directors Jimenez and Arabe in the Education and Information Department (EID), it was recommended that temporary replacements be designated. Albeit, to prevent disruption in the essential election operations, the elections being a few days away, Directors Jimenez and Arabe were recommended to continue other functions under the supervision of their committee heads,” saad ng pahayag na ipinamahagi sa media.
Gayunpaman, nananatiling tikom si Comelec Chairman Saidamen Pangarungan sa giit na suspensiyon. Wala pa rin tugon sa pahayag ni Bulay sina Jimenez at Arabe.
metrosundaily
