Mandaluyong police chief sinibak matapos magpositibo sa drug test

SINIBAK sa posisyon bilang chief of police ng Mandaluyong City si Colonel Cesar Gerente matapos itong magpositibo sa illegal na droga, ayon sa Eastern Police District (EPD) ngayong Miyerkoles.

Sinabi ni EPD Director Police Brigadier General Wilson Asueta na positibo si Gerente sa droga matapos ang surprise drug test na isinagawa ng National Capital Region Police Office (NCRPO).

Agad na isinailalim si  Gerente sa regional personnel holding and accounting section ng NCRPO regional personnel records management division habang isinasagawa ang confirmatory test. 

Isinuko rin ni Gerente ang kanyang service firearms at inutusang magpaliwanag sa insidente.

Pinalitan si Gerente ni Colonel Mary Grace Madayag.