MATAPOS ang ilang buwan na espekulasyon sa hiwalayang Moira dela Torre at asawa na si Jason Hernandez, kinumpirma ng huli na tinuldukan na nila ang tatlong taon na pagsasama.
Ilang buwan ding pinagpiyestahan ang hiwalayan ng mag-asawa na una nang itinanggi ng mga ito sa pamamagitan ng mga litratong inilabas kung saan naglalambingan pa ang mag-asawa.
Sa kanyang facebook page, kinumpirma ni Jason ang balita.
Sinabi nito na ito ang pinakamabigat na bagay na kanyang isinulat. Nais din umano niyang sa kanya mismo manggaling ang balita.
“[Three] years ago, I married my best friend with the intent of spending the rest of my life with her. Though my love for her has always been genuine, a few months ago, I confessed to Moira that I have been unfaithful to her during our marriage,” sabi ng songwriter. “I believe that she deserved to know the truth rather than continue down a ‘peaceful’ but dishonest path. I take full responsibility and I’m doing my best to be better.”
Bago tapusin ang post, humingi ng tawad si Jason at sinabing “From the bottom of my heart, I’m sorry for everyone I hurt. Especially Moi.”
