Nag-crash na chopper susundo sana sa nagbabakasyong PNP chief

SA gitna ng mga napipintong kabi-kabilang patutsadang pag-abuso, hindi makikialam ang Palasyo sa kinasasangkutang kontrobersya ni Philippine National Police chief Dionardo Carlos kaugnay ng paggamit ng airbus na pag-aari ng gobyerno sa personal na lakad.

Ayon kay acting presidential spokesperson at Cabinet Secretary Karlo Nograles, ipinabaya na ng Pangulo ang kapalaran ni Carlos sa Department of Interior and Local Government (DILG) na una nang inatasang magsagawa ng malalimang imbestigasyon sa likod ng pagbagsak ng PNP chopper nitong nakaraang Lunes sa Real, Quezon kung saan isa ang namatay at dalawa ang nasugatan.

Una nang inamin ni Carlos na nakatakda siyang sunduin ng PNP Airbus 125 mula sa Balesin Island (Quezon) kung saan umano siya nagbabakasyon kasama ang pamilya, subalit nanindigang naaayon sa PNP rules ang kanyang paggamit sa naturang government helicopter.

“The DILG is currently investigating the circumstances surrounding the fatal crash of the chopper. We will wait for the report of the DILG. It is being investigated,” ani Nograles nang tanungin kung may pananagutan ang PNP chief sa paggamit ng isang government chopper para sa isang personal na lakad.

Sa isang kalatas ng Public Information Office ng Quezon, patungo sa Balesin Island ang bumagsak na PNP helicopter sa Purok Mayaog, Barangay Pandan sa bayan ng Real.

Patay sa nasabing insidente si Patrolman Allen Ona habang malubha naming nasugatan sina Lieutenant Colonel Michael Meloria at Lieutenant Colonel Dexter Vitug.

Giit naman ni senatorial candidate Chel Diokno, dapat panagutin si Carlos na umano’y malinaw na lumabag sa Code of Conduct of Public Officials and Employees sa paggamit ng government resources para sa kanilang personal na interes. “Ang tanong dyan, pwede bang gamitin ang resources ng ating pamahalaan when clearly, this was a private function that was involved? In my opinion, that is not and should not be allowed,” ayon kay Diokno na higit na kilala bilang isang human rights lawyer.

“It would be a violation of the code of conduct of public officers as well as other laws that make those other actions violations of the law. All government resources and powers of their respective offices must be employed and used efficiently, effectively, honestly and economically, particularly to avoid wastage in public funds and revenues,” dagdag pa ni Diokno.

Ayon sa Section 4 ng Republic Act 6713 (Code of Conduct and Ethical Standards for Public Officials and Employees), “government officials and employees shall always uphold the public interest over and above personal interest.” Gayundin ang paniwala ng militanteng kongresistang si Arlene Brosas.

Aniya, malinaw nap ag-abuso sa kapangyarihan ang ipinamalas ng PNP chief, sukdulang humantong pa sa pagkasawi ng isang kawani at ikasugat ng dalawang opisyal ng PNP. “Chopper na mula sa pera ng taumbayan pero ginagamit para sa private time ng PNP chief? Yung sasakyan ng LGUs at departamento, for official use only. Bakit biglang may exception sa PNP chief?” galit pa hayag ni Brosas. Administrative Order No. 239 and PNP memo circulars are very clear in prohibiting the use of government vehicles for personal purposes and errands,” hirit pa ng militanteng mambabatas.

Samantala, “grounded” muna ang apat na natitirang PNP Airbus bunsod ng nasabing insidente.