INIHAYAG ni Internal Revenue Commissioner Romeo Lumagui Jr na magiging exempted na sa value-added tax (VAT) ang mga house and lot na maibebenta ng P3.6 milyon at pababa.
Sa kalatas, sinabi ng Bureau of Internal Revenue (BIR) ang VAT exemption threshold sa pagbebenta ng house and lot, at iba pang mga ari-arian sa P3.6 million mula P3.199 million.
Sa pahayag nitong Miyerkules, sinabi ng BIR na nag-isyu si Lumagui Jr. ng Revenue Regulations No. 1-2024.
Tinaasan ng RR No. 1-2024 ang, “VAT exemption purposes, the selling price threshold of the sale of house and lot, and other residential dwelling from P3,199,200.00 to P3,600,000.00.”
Ang adjustment ay may kinalaman sa Section 109 (P) ng National Internal Revenue Code na nagbibigay-mandato na kada tatlong taon, ang subject amount ay dapat na ia-adjust sa kasalukuyan nitong halaga gamit ang Consumer Price Index batay sa inilathala ng Philippine Statistics Authority.
“This timely increase in VAT exemption shows our commitment to Excellent Taxpayer Service,” ani Lumagui.
“This increase in the selling price threshold, for VAT exemption purposes, of the sale of house and lot, and other residential dwelling from P3,199,200.00 to P3,600,000.00 gives testament to the BIR’s improved and updated services,” sinabi pa ng BIR chief.
